Magazin2

ABŞ-da yanğın kabusu: “Oskar” nominasiyaları təxirə salındı

9 Yanvar 2025 15:03

ABŞ-ın Los-Anceles şəhərində və ətrafında davam edən meşə yanğınları səbəbindən “Oskar” mükafatına namizədlərin elanı yanvarın 17-dən 19-na təxirə salınıb.

Publika.az xəbər verir ki, Cənubi Kaliforniyadakı meşə yanğınları kino sənayesinə də təsir edib. Kino Sənətləri və Elmləri Akademiyası “Oskar” nominasiyalarının 17 yanvar cümə günü deyil, 19 yanvar bazar günü elan ediləcəyini açıqlayıb.

Akademiya, həmçinin səsvermə müddətini iki gün, yanvarın 14-ü axşama qədər uzatdığını bildirib.

Bu həftə keçirilməsi planlaşdırılan bir çox tədbirin ləğv edildiyini və təxirə salındığını açıqlayan akademiya yanğınlardan zərər çəkənlərə üzüntüsünü ifadə edib.

Yanğınların bölgədə həyata ciddi təsir etdiyi, təxliyyə və dəyən ziyanla bağlı araşdırmaların davam etdiyi bildirilir.

Aysel Şahmar