Diddiyə qarşı YENİ İDDİA: Seks alverinə məcbur etdiyi qadını eyvandan asaraq…

Seksual zorakılıq və insan alverində şübhəli bilinən amerikalı reper, prodüser P.Diddiyə (əsl adı Şon Kombsdur - Red.) qarşı yeni iddia qaldırılıb.

Publika.az xəbər verir ki, hazırlanan yeni iddianamədə repçinin daha 2 qadını seks alverinə məcbur etdiyi bildirilib.

Bununla da Nyu-Yorkun Manhetten Federal Dairə Məhkəməsinə təqdim edilən genişləndirilmiş ittiham aktı ilə Diddinin 20 ilə yaxın davam edən və beynəlxalq ölçülərə çatan “seks alveri şəbəkəsi”nin qurbanlarının sayı üçə çatıb.

Prokurorlar iddianaməyə əlavə ediblər ki, Diddi qadınları cinsi əlaqəyə və seks alverinə məcbur etmək üçün təsis etdiyi “Bad Boy Entertainment” kimi etiketlərdən istifadə edib.

Reperin həmçinin həmin qurbanlardan birini eyvandan asdığı ​​da iddia edilir.

İttiham aktında qeyd olunub ki, Diddi şahidlərə, zərərçəkmişlərə susmaq və ya yalan ifadə vermək üçün rüşvət təklif edib.

Qeyd edək ki, reper məhkəmədə bütün ittihamları təkzib edib.

Diddi təqsirli bilinərsə, onu minimum 15 il və ya ömürlük həbs cəzası gözləyir. Reperin məhkəməsi isə mayın 5-də başlayacaq.

Roza