Maraq dünyası

84 yaşlı qadının qarnında 40 yaşlı döl tapıldı

17 Avqust 2023 16:26

Meksikanın şimalındakı Duranqo əyalətində qarın ağrısı ilə xəstəxanaya müraciət edən 84 yaşlı qadının qarnında 40 yaşlı döl tapılıb.

Publika.az xəbər verir ki, müayinə nəticəsində dölün təxminən 40 yaşı olduğu müəyyən edilib və həkimlər uşaqlıqdan kənar hamiləlik nəticəsində körpənin 40 həftəyə qədər inkişaf etdiyini və qadının bətnində qaldığını bildiriblər. Həkimlər dölün çıxarılması üçün istənilən cərrahi müdaxilənin qadının yaşına görə riskli olduğunu da qeyd ediblər.

Bu maraqlı hadisə tibb ədəbiyyatında “Litopedion” kimi tanınır. Daşlaşmış körpə olaraq da adlandırılan və çox nadir hallarda görülən "litopedion", ektopik hamiləlik zamanı körpənin ana bətnində öldüyü, lakin bədəndən xaric oluna bilmədiyi üçün meydana gəlir. Ana bətnində qalan körpə zamanla orqanizmin qoruyucu mexanizmi ilə əhənglənir və ölmüş dölün ananı zəhərləməsinin qarşısı alınır.

Nəzrin