Antiseptik məhsullardan istifadə orucu pozur?
Bizi izləyin

İnanc

Antiseptik məhsullardan istifadə orucu pozur?

Koronavirus yayılmaqda davam edir. Həkimlərsə məlum təhlükəli virusa yoluxma riskini azaltmaq məqsədi ilə mütəmadi olaraq əlləri dezinfeksiya etməyi məsləhət görür.

COVID-19-dan qorunmaq üçün mütəxəssislər əlləri antiseptik məhsullar, spirt, o cümlədən kolonya ilə tez-tez silməyi tövsiyə edir, xüsusilə evdən çıxanda. Lakin Ramazan ayının başlaması dezinfeksiya məqsədilə istifadə edilən spirt tərkibli məhsulların orucu pozub-pozmaması haqqında bir sıra sualların yaranmasına səbəb olub.

Publika.az Türkiyə mətbuatına istinadən xəbər verir ki, Diyanət İşləri Müdirliyi bu suala cavab verib. Bildirilib ki, ətir və odekolondan istifadə orucu pozmur. O da qeyd olunub ki, makiyaj və kosmetik məhsullardan istifadə də orucu pozmur.

“Oruc tutan şəxs dişlərini müalicə etdirə bilərmi?” sualına isə belə cavab verilib:

“Morfin və ya morfinsiz dişləri müalicə etmək orucu pozmaz. Ancaq müalicə zamanı qan və ya hər hansı maddənin udulması istisnadır”.

Aytən Məftun

Oxumağa davam et
Reklam
Reklam

Gündəm