84 yaşlı rejissor sevginin reseptini yazdı

84 yaşlı tanınmış kinorejissor və ssenarist Andrey Konçalovski Sevgililər günü ilə əlaqədar əbədi sevginin reseptini bölüşüb.

Publika.az rejissorun sevgi formulunu təqdim edir.

“Sevgi nədir? Müxtəlif yaşlarda bu suala müxtəlif cavablar veririk. Bu gün düşünürəm ki, sevgi elmdir. Sevilən bir insanın bütün yaş dövrünü, inkişafındakı bütün sonsuz, çoxşaxəli obrazın bütün hipotezlərini bilmək və qəbul etmək.

Sevdiyimiz insan haqqında düşüncələr zamanla dəyişir. Birdən bizə elə gəlir: “Budur, nəhayət, onu başa düşdüm”. Sonra yenidən “Bu dəfə lap dəqiq anladım” deyirik. Yuliya haqqında çox şey bildiyimi deyə bilərəm: onun bütün halları - qızlıq, yeniyetməlik dövrü, gənc bir qadın və nəhayət, övladlarımın anası - gözümün qarşısında dayanır. Və eyni zamanda Yuliyanı hələ tam tanımamışam.

Həyatınızı birləşdirdiyiniz insanın müxtəlif cəhətlərini illər keçdikcə tədricən öyrənirsiniz. O zaman hətta ən dözülməz xüsusiyyətlər də əziz olur, insanlar arasında əsl mənəvi bağlılığın açarı budur. Sevgi şəxsiyyətin fərdi aspektləri deyil, elm hər şeyi əhatə edir - bax buna sevgi deyə bilərəm”, - məşhur qeyd edib.