• USD 1,7000 0,00% EUR 1,9320 +0,77%
    • GBP 2,1472 +0,58% RUB 0,0238 0,00%

Qorbaçov Vaşinqtonun dünya ilə planını AÇIQLADI

  • MDB
  • 13 Fevral 2019 11:20
  • 1 328 Baxış
Qorbaçov Vaşinqtonun dünya ilə planını AÇIQLADI

ABŞ Orta və kiçik mənzilli raketlərin ləğvi haqqında Müqavilədən çıxmaqla silahlanma sahəsində istənilən məhdudiyyətlərdən azad olmağa, mütləq hərbi üstünlüyü ələ keçirməyə cəhd edir.

Publika.az xəbər verir ki, bu haqda Sovet İttifaqının keçmiş prezidenti Mixail Qorbaçov “Vedomosti” nəşrinə müsahibəsində bildirib.

SSRİ-nin sabiq prezidentinin fikrincə, Vaşinqton belə qərara öz iradəsini dünyaya diktə etmək üçün gəlib. Bundan başqa, Qorbaçov vurğulayıb ki, ABŞ-ın müqavilədən çıxışı hadisələrin gedişatının əks istiqamətdə inkişafına gətirib çıxara bilər.

“ABŞ-ın müqavilədən çıxması tamamilə başqa dağıdıcı nəticələr gətirəcək: dünyada strateji vəziyyətin destabilizasiyası, yeni qızğın silahlanma, böyük qarma-qarışıqlıq və dünya siyasətinin gözlənilməzliyi”, - siyasətçi əlavə edib.

O həmçinin əminliyini ifadə edib ki, prezident Donald Trampın qərarı Birləşmiş Ştatlar daxil olmaqla, bütün ölkələr üçün mənfi nəticələrə gətirib çıxaracaq.

Bundan başqa, Qorbaçov şikayətlənib ki, son illərdə ABŞ-da yaranmış kəskin daxili siyasi vəziyyəti nüvə silahının problemləri üzrə danışıqlar da daxil olmaqla, Moskva ilə dialoqun kəsilməsinə gətirib çıxarıb.

Qeyd edək ki, fevralın 2-də ABŞ Rusiyanı müqaviləni pozmaqda ittiham edib və müqavilədə iştirakı dayandırıb. Vaşinqtonun bəyanatına görə, Rusiya razılaşmanın icrasına qayıtmasa, müqavilədən çıxış prosesi altı ay sonra başa çatacaq. Moskva adekvat cavab verəcəyini bəyan edib.

Xatırladaq ki, müqavilə Sovet İttifaqı Kommunist Partiyası Mərkəzi Komitəsinin birinci katibi Mixail Qorbaçov və ABŞ prezidenti Ronald Reyqan tərəfindən 1987-ci ildə imzalanıb. Sənəd 500 kilometrdən 5500 kilometrə qədər ballistik və qanadlı nüvə raketlərinin istehsalını, həmçinin onların sınağını qadağan edir.

Ömər

Halal Nemət

Xəbər lenti

DAHA ÇOX XƏBƏR