S-400-lər Türkiyəyə bu tarixdə çatdırılacaq

Türkiyəyə S-400 zenit-raket sistemlərinin çatdırılması iki ay sonra başlanacaq.

Publika.az “RİA-Novosti” agentliyinə istinadən xəbər verir ki, bu haqda Rusiyanın “Rostex” Dövlət Korporasiyasının baş direktoru Sergey Çemezov"Rostexa" başçısı (fəsili) Serqey Çemezov bildirdi.

“Hər şey qaydasındadır, düşünürəm ki, iki ay sonra komplekslərin çatdırmasına başlayacağıq. Artıq avans ödənişləri edilib, kredit rəsmiləşdirilib”, - o deyib.

Xatırladaq ki, 2017-ci ilin dekabr ayında Türkiyə və Rusiya S-400 “Triumf” zenit-raket komplekslərinə dair kredit sazişi imzalayıb. Sazişə əsasən, Ankara 2 zenit-raket batareyası alacaq. Tərəflər, həmçinin S-400 kompleksinin Türkiyədə istehsalı üçün texnoloji əməkdaşlıq barədə razılığa gəlib. ABŞ və NATO ölkələri bu sövdələşməyə görə Ankaranı dəfələrlə tənqid edib. Türkiyə həmçinin bir neçə dəfə bəyan edib ki, Ankara S-400-ləri almaq planlarından imtina etməyəcək.

Uzaq məsafəli zenit raket sistemi - S-400 “Triumf” 2007-ci ildə Rusiyada silahlanmaya qəbul olunub. O, aviasiya vasitələrini, qanadlı raketləri, o cümlədən orta təsir radiuslu ballistik raketləri, həmçinin yerüstü obyektləri məhv etmək üçün nəzərdə tutulub. Rusiya Hərbi Kosmik Qüvvələri komandanının müavini bildirib ki, S-400 sistemləri üçün yaxın kosmosdakı hədəfləri vura biləcək raketlər də silahlanmaya daxil olub.

Ömər Dağlı