DƏHŞƏTLİ OLAY: körpə oğlunun meyitini bir ay çamadanda gizlətdi

Rusiyanın Obninsk şəhərinin sakini ölmüş oğlunun cəsədini bir ay ərzində anbarda çamadanda gizlədib.

Publika.az "TV5"ə istinadla xəbər verir ki, bu barədə regional prokurorluğun rəsmi saytında deyilir.

İdarədən verilən məlumata görə, 23 yaşlı ana vəhşi həyat sürüb. O, tez-tez körpəni uzun müddət mənzildə tək qoyub, o zaman özü də şəxsi həyatını tənzimləməyə və özünə yoldaş tapmağa çalışıb. Eyni zamanda, heç bir yaşı belə olmayan körpə gündə yalnız bir dəfə qidalanıb.

Yetərincə qayğı göstərilmədiyindən oğlanın səhhəti pisləşib. Körpənin dərisi çürüməyə başlayıb. Lakin gənc ana körpənin səhhətinə məhəl qoymayıb və həkimlərə müraciət etməyib. Nəticədə oğlan dünyasını dəyişib. Amma qadın məsuliyyətdən qorxaraq uşağı basdırmaq əvəzinə, meyiti adyalla büküb, çamadana qoyub, anbara gizlədib.

Bundan sonra qadın eyni mənzildə yaşamağa davam edib. Cəmi bir ay sonra qohumları uşağın çürümüş cəsədini tapıblar.

Hüquq-mühafizə orqanları “Xüsusi amansızlıqla adam öldürmə” maddəsi ilə cinayət işi açıb. Qadını ömürlük həbs cəzası gözləyir.

Hüseyn İbadlı