MDB

Kremldən Kiyevin Moskvanı vuracağı ilə bağlı açıqlamalara REAKSİYA

25 Yanvar 2023 15:23

“Kiyevin Rusiya şəhərlərinə zərbələr endirəcəyi ilə bağlı açıqlamaları “xüsusi hərbi əməliyyat”ın keçirilməsinin məqsədəuyğun olduğunu təsdiqləyir”.

Publika.az xəbər verir ki, bu barədə Rusiya prezidentinin mətbuat katibi Dmitri Peskov bildirib.

“Aydındır ki, Kiyev rejimi heç nəyi rədd etmir, bu, seçdiyimiz yolun və niyyətlərimizin düzgünlüyünü bir daha təsdiqləyir. Özümüzü belə təhlükədən qorumaq niyyətimizdir”, - Rusiya liderinin nümayəndəsi bildirib.

Qeyd edək ki, Ukrayna Prezident Aparatının rəhbərinin müşaviri Mixail Podolyak deyib ki, Zelenskinin ofisi Moskva və Yekaterinburqa zərbələr endirmək imkanını nəzərdən keçirir: “Eskalasiya qaçılmazdır. Müxtəlif hədəflərə hücumlar ediləcək. Xüsusən də Moskva, Sankt-Peterburq, Yekaterinburq kimi “ərköyün” və “tənbəl” olan və münaqişənin onlara təsir etməyəcəyini düşünən şəhərlər təsirlənəcək”.

Akqabay