MDB

Kadırov Putindən nə istədi?

29 Sentyabr 2023 11:33

Moskvada müsəlmanlar üçün yeni məscid tikiləcək.

Publika.az xəbər verir ki, Çeçenistan Respublikasının rəhbəri Ramzan Kadırov Rusiya prezidenti Vladimir Putinlə görüşdən sonra şəxsi "Telegram" kanalında Moskvada Cənubi Butovo rayonunda yeni məscid tikmək planlarını açıqlayıb.

“Söhbət zamanı Cənubi Butovoda Çeçenistan Respublikasının birinci prezidenti, Rusiya Qəhrəmanı Əhməd-Hacı Kadırovun adını daşıyan küçədə yeni məscidin tikintisi mövzusuna toxundum. Dövlət başçısı bu layihənin dindarlar üçün böyük əhəmiyyət kəsb etdiyini vurğuladı”, - Kadırov yazıb.

O izah edib ki, hazırda paytaxtda üç milyondan çox müsəlman yaşayır və yeni dini obyektin tikintisinə təcili ehtiyac var. Kadırovun sözlərinə görə, bayram günlərində şəhərdə fəaliyyət göstərən məscidlərdə kifayət qədər yer olmur və müsəlmanlar küçədə namaz qılmalı olurlar.

Çeçenistan rəhbəri etiraf edib ki, Putin yeni məscid tikmək ideyasını dəstəklədikdə çox sevinib.

Mehti Kamiloğlu