Generalın qətlinin təfərrüatları bəlli oldu: Gecə saat 3-dən hazır saxlayıb

Çərşənbə axşamı, dekabrın 17-də səhər tezdən Moskvanın Ryazanski prospektində baş verən partlayış nəticəsində general-leytenant İqor Kirilov və onun köməkçisinin öldüyü barədə məlumat vermişdik.

Publika.az xəbər verir ki, qətlin bəzi təfərrüatları bəlli olub. Kirilov Rusiya Silahlı Qüvvələrinin (SQ) radiasiya, kimyəvi və bioloji müdafiə (RKHBZ) rəisi olub və 2021-ci ildən Rusiyanın Əmək Qəhrəmanıdır. O, keçən il Müdafiə Nazirliyi üçün brifinqlər keçirib və bu zaman Rusiya ərazisində gözlənilən terror aktları barədə danışıb. Bu gün onun iştirakı ilə daha bir brifinq gözlənilirdi.

Əl istehsalı partlayıcı qurğu elektrik skuterin sapına yapışdırılıb və uzaqdan işə salınıb. Cinayətkar partlayıcını səhər saat üç radələrində elektrik skuterini üzərinə bağlayaraq hazır vəziyyətdə saxlayıb. Partlayış nəticəsində onlarla metrə səpələnmiş partlayıcı qurğunun parçaları evin ilk üç mərtəbəsində şüşələr sındırıb, binanın fasadına və yaxınlıqdakı avtomobillərə də ziyan dəyib. Fövqəladə hallar xidməti partlayıcının gücünün təxminən 200 qram trotil olduğunu aydınlaşdırıb.

Tural