MDB

Rusiyada yüksək vəzifəli məmurun olduğu təyyarəni partlatmaq istəyiblər - VİDEO

26 Noyabr 2025 12:23

Rusiya kəşfiyyat orqanları SBU agenti tərəfindən planlaşdırılan yüksək rütbəli məmurun olduğu təyyarənin partladılmasının qarşısını alıb.

Publika.az xəbər verir ki, bu barədə FSB-nin İctimai Əlaqələr Mərkəzi məlumat yayıb.

Bildirilir ki, terror aktını 1970-ci il təvəllüdlü Rostov-na-Don sakini həyata keçirməli imiş. O, 24 il müddətinə azadlıqdan məhrum edilib, həmçinin 500 min rubl cərimə olunub.

“Hücum edən şəxs öz rəhbərinin göstərişi ilə Rusiya Müdafiə Nazirliyinin hava hücumundan müdafiə sistemlərinin Moskva vilayətində yerləşdiyi yer haqqında məlumat toplayıb, həmçinin bu sistemlərin işində zəiflikləri müəyyən etmək üçün PUA-nı hava məkanına buraxıb”, - məlumatda deyilir.

Həmin şəxs 2023-cü ilin aprelindən Ukrayna xüsusi xidmət orqanlarının əmrlərini yerinə yetirib.

Tural