Üç erməni ömürlük həbsə məhkum edildi: Krım körpüsündəki partlayışa görə

Üç erməni – Artyom və Qriqori Azatyan, eləcə də yük maşını sürücüsü Artur Terçanyan Krım körpüsündə terror aktı işi üzrə digər beş müttəhimlə birlikdə ömürlük həbsə məhkum ediliblər.

Publika.az xəbər verir ki, qərar bu gün Rostov-na-Donu Cənub Dairə Hərbi Məhkəməsi tərəfindən qəbul edilib.

Səkkiz nəfər günahkar bilinib: Artyom və Georgi Azatyan, Oleq Antipov, Aleksandr Bylin, Vladimir Zloba, Dmitri Tyajelıx, Roman Solomko və Artur Terçanyan.

Təqsirləndirilən şəxslər terrorizmdə və qanunsuz silah və ya partlayıcı maddələrin dövriyyəsində ittiham olunurlar. Solomko və Terçanyana qarşı da partlayıcı qurğuların qaçaqmalçılığı ilə bağlı ittiham irəli sürülüb. Xatırladaq ki, 2022-ci il oktyabrın 8-də səhər saatlarında Krım körpüsündə yük maşını partlayıb, yanacaq daşıyan tanker yanıb. Hücum nəticəsində 5 nəfər həlak olub. Faktla bağlı cinayət işi açılıb. Daha sonra FSB Krım körpüsündə törədilən terror aktında iştirak edən 8 nəfərin həbs olunduğunu bildirib. Müstəntiqlərin fikrincə, hücumu Ukrayna hərbi kəşfiyyatının rəhbəri Kirill Budanov təşkil edib.

Sonradan körpüyə gətirilən partlayıcı maddələr Ukrayna istehsalı olub. Qurğu tikinti polietilen plyonka rulonlarında gizlədilib və mürəkkəb marşrutla Odessadan gətirilib: Ermənistan, Gürcüstan və Ukrayna vətəndaşlarının köməyi ilə yük Poti limanına aparılıb, İrəvanda gömrükdən keçirilib və Verxniy Lars keçid məntəqəsi vasitəsilə Rusiyaya aparılıb. Marşrut ukraynalı Andrey Şaraşidze tərəfindən təşkil olunub.

Tural