Kiçik uşaqları olanlara sosial güzəştlər olacaq: Qanun layihəsi təqdim olundu

Rusiyalı siyasətçi Leonid Slutskinin rəhbərlik etdiyi Rusiya Liberal Demokrat Partiyasından (LDPR) olan deputatlar üç yaşına çatmamış uşaqları olan ailələr üçün yeni sosial vergi güzəştinin tətbiqini təklif ediblər.

Publika.az xəbər verir ki, bu barədə RİA Novosti müvafiq sənədin surətini dərc edib.

Qanun layihəsi geyim, ayaqqabı, mebel, gigiyena və təhlükəsizlik məhsulları, oyuncaqlar, eləcə də uşaq bağçalarında və ixtisaslaşmış təşkilatlarda uşaq baxımı xidmətləri xərclərinin qismən ödənilməsini nəzərdə tutur.

Deputatlar tərəfindən irəli sürülən bu təşəbbüsə əsasən, 13%-lik fərdi gəlir vergisi ödəyən vətəndaşlar ildə 150.000 rubla qədər uşaq malları və xidmətləri üzrə xərclər üçün 13% dəyərində geri ödəmə ala biləcəklər. Maksimum ödəmə isə 19.500 rubla çata bilər.

Slutski özü isə qeyd edib ki, mövcud vəsait ayırmaları — məsələn, təhsil və ya idman üçün olanlar körpələri olan ailələrə uyğun deyil. O, təklif olunan tədbirin valideynlərə məcburi xərclərinin bir hissəsini kompensasiya etməyə və ailə büdcəsini dəstəkləməyə imkan verəcəyini vurğulayıb. Onun sözlərinə görə, ildə 150.000 rubla qədər qənaət bu cür ailələrə əhəmiyyətli bir fayda olacaq və bunlar istirahət, sağlamlığın yaxşılaşdırılması və ya uşağın gələcək təhsil ehtiyacları üçün istifadə edilə bilər.

Bu təklif sosial şəbəkələrin Rusiya seqmentində də müsbət qarşılanıb. Müzakirələrə çıxarılan sosial güzəştlərin çoxdan tətbiq olunmalı olduğu qeyd olunur.

Tural