MDB

Rubl sürətlə çökür: Rusiya gözünü bu prosesə dikib

19 Mart 2026 14:02

Rusiya rublu dəyərdən düşməyə davam edir.

Publika.az xəbər verir ki, Çin yuanının məzənnəsi 2026-cı ilin əvvəlindən bəri ən yüksək səviyyəyə çataraq 12,2 rubla yaxınlaşıb, ABŞ dollar 83 rubldan yuxarı qalxıb.

Bu fonda analitiklər qeyd edirlər ki, Rusiya bazarında Çin valyutasının çatışmazlığı güclənib. Məlumat verildiyi kimi, qısamüddətli yuan kreditləri üzrə faiz dərəcələri 2024-cü ilin noyabr ayından bəri ilk dəfə illik 20%-i keçib.

Ekspertlər ümid edirlər ki, vergi dövrü mövcud bazar balanssızlığını qismən aradan qaldıra və Rusiya milli valyutasının zəifləməsini yavaşlada bilər. Xarici valyuta məzənnələrinin, xüsusən də dollar və yuanın əhəmiyyətli dərəcədə artması ixracatçıları vergi öhdəliklərini yerinə yetirmək üçün xarici valyuta qazanclarını daha tez satmağa sövq edə bilər. Bu proses 25 və 30 mart tarixlərində pik həddə çatır.

Tural