Hava limanında dəhşət: Doğduğu uşağı boğdu, özü də öldü

Rusiyanın "Şeremetyevo" hava limanında uşaq dünyaya gətirən qadın yeni doğulmuş körpəni öldürüb.

Publika.az xəbər verir ki, bu barədə "Baza" məlumat yayıb. Qeyd edilib ki, ana özü də ölüb.

Rusiyanın "Şeremetyevo" hava limanında uşaq dünyaya gətirən qadın yeni doğulmuş körpəni öldürüb. Publika.az xəbər verir ki, bu barədə "Baza" məlumat yayıb. Qeyd edilib ki, ana özü də ölüb.

"Hadisə ana hava limanına çatdıqdan sonra baş verib. Qadında doğuş sancıları başlayıb, lakin o, tibbi yardım almaq əvəzinə beynəlxalq terminaldakı tualetə gedib. Qadın burada körpəni diri şəkildə dünyaya gətirib, hətta sonra göbək bağını özü kəsib. Ana körpənin ağzına tualet kağızı tıxamağa başlayıb. Nəticədə uşaq boğulub", - məlumatda qeyd edilib.

Nəşr onu da yazıb ki, qadın özü də doğuşdan qısa müddət sonra ölüb.

Onun ölümünün dəqiq səbəbi hələlik məlum deyil.

REN TV-nin yaydığı məlumata görə isə, hava limanında doğduğu uşağı öldürən qadın xəstəxanada keçinib.

Televiziya kanalının məlumatına görə, qadının 30 yaşı olub və o, Rusiya paytaxtına Antalyadan gəlibmiş.
"Rusiyalı qadın tualetin qapısını ayaqları ilə açıb. Onun sancılarından narahat olan insanlar qadına kömək təklif ediblər. Lakin qadın imtina edib. O, uşağı öldürdükdən sonra körpənin cəsədini zibil qutusuna atıb", -məlumatda qeyd edilib.

Müəllif: Tural