• USD 1,7000 0,00% EUR 1,8804 +0,32%
    • GBP 2,1969 +0,32% RUB 0,0267 +0,37%

Müşfiq Hətəmov aktrisaların cavabını verdi

Müşfiq Hətəmov aktrisaların cavabını verdi

Cəfər Cabbarlı adına Kinostudiyanın direktoru Müşfiq Hətəmov əcnəbi aktyorların Azərbaycan filmlərdə çəkilməsinə etiraz edən aktrisalara cavab verib.

Publika.az-a açıqlama verən direktor əcnəbi aktrisaların Azərbaycana dəvət olunmasını iki səbəblə əlaqələndirib: “Dünya praktikasında da var ki, əcnəbi aktrisalar filmlərə dəvət olunur. Özümüzə gəlincə, son on ildə Azərbaycan filmlərində çəkilmək üçün cəmi 3-4 əcnəbi aktrisa çağırmışıq. Mən də bir prodüser kimi istərdim öz aktrisalarımız filmlərimizdə çəkilsin. Amma rejissorun seçiminə müdaxilə etmək olmaz. Çox vaxt aktrisalarımız öz filmlərimizə çəkilməkdən imtina edir. Deyirlər ki, biz o kadrlara çəkilə bilmərik. Müəyyən açıq-saçıq səhnələri nəzərdə tuturam. Rejissor da məcbur qalıb, kənar yerdən aktrisa dəvət etmək məcburiyyətində qalır”.

Direktor bu günlərdə çəkilişinə başladıqları və baş rolu gürcü aktrisası Nini İaşvilinin canlandırdığı “Köşk” filmindən də danışıb. Bildirib ki, həmin filmə dəvət alan gürcü aktrisası elə gürcü qızı rolunda çəkiləcək: “O aktrisa gürcü qızı rolunu canlandıracaq və öz dilində danışacaq. Digər tərəfdən bizim aktrisalarımızın edə bilməyəcəklərini əcnəbi aktrisa edirsə, niyə də dəvət etməyək”.

Cəvahir Səlimqızı

Xəbər lenti

DAHA ÇOX XƏBƏR