İsrailin baş nazirindən CİDDİ TAPŞIRIQ: "Hakimiyyəti nizamlı şəkildə ötürün"

İsrailin baş naziri Yair Lapid baş nazirlik aparatının bütün bölmələrinə hakimiyyətin nizamlı şəkildə ötürülməsinə hazırlaşmağı tapşırıb.

Bu barədə Publika.az "Jerusalem Post"a istinadla xəbər verir .

Lapid müxalifət lideri Benyamin Netanyahu ilə telefonla danışıb və onu cümə axşamı keçirilən seçkilərdə qazandığı qələbə münasibətilə təbrik edib.

"Mən artıq baş nazirlik aparatının bütün bölmələrinə hakimiyyətin nizamlı şəkildə ötürülməsinə hazırlaşmağı tapşırmışam. İsrail dövləti bütün siyasi mülahizələrdən üstündür. Netanyahuya İsrail xalqının və İsrail dövlətinin xeyrinə uğurlar arzulayıram", - Lapid deyib.

Bundan əvvəl İsraildə keçirilən növbədənkənar parlament seçkilərində keçmiş baş nazir Binyamin Netanyahunun rəhbərlik etdiyi sağçı partiyalar blokunun qalib gəldiyi məlum olub .

İsraildə növbədənkənar parlament seçkilərində iştirakın 71,3% təşkil etdiyi, ümumilikdə 5 milyona yaxın israillinin səs verdiyi bildirilir. Bu, 2015-ci ildən bəri ən yüksək seçici fəallığıdır.

Hüseyn İbadlı