Xamenei bu ölkəni hədələdi: Lazım bilsək, oranı da vuracağıq

İran lazım bildiyi zaman ABŞ-ın Yaxın Şərqdəki "mühüm mərkəzlərinə" qarşı tədbir görəcək.

Publika.az xəbər verir ki, bunu İranın ali dini lideri Ayətullah Əli Xamenei deyib.

"Böyük bir hadisə baş verdi. İranın regiondakı mühüm mərkəzlərə çıxış əldə edə bilməsi və lazım gəldikdə ABŞ-ın bölgədəki mühüm mərkəzlərinə qarşı tədbir görə bilməsi - bu, kiçik hadisə deyil, böyük hadisədir. Gələcəkdə bunun təkrarlanması mümkündür. Təcavüz olduğu halda, şübhəsiz ki, düşmənin və işğalçının itkiləri yüksək olacaqdır”, - Xamenei xəbərdarlıq edib.

O, İranın Qətərdəki Amerika Əl-Udeid bazasına zərbələr endirməsini ABŞ-ın üzünə güclü sillə adlandırıb.

İsrail iyunun 13-nə keçən gecə İranı gizli hərbi nüvə proqramını həyata keçirməkdə ittiham edərək ona qarşı əməliyyata başlayıb. Qrupların havadan bombardmanlarının və basqınlarının hədəfi nüvə obyektləri, generallar, görkəmli nüvə fizikləri və hava bazaları olub.

İran ittihamları rədd edib və öz hücumları ilə cavab verib. İyunun 22-nə keçən gecə ABŞ-ın İranın nüvə obyektlərinə birdəfəlik hücumuna qoşulması ilə iki tərəf 12 gün ərzində bir-birinə zərbələr mübadiləsi aparıb. Bundan sonra Tehran iyunun 23-ü axşam saatlarında Qətərdəki ABŞ-ın Əl-Udeyd bazasına raket zərbələri endirib və İran tərəfinin daha da gərginləşdirmək niyyətində olmadığını bəyan edib.

Akqabay