Nəqliyyat

“Qurd”a BNA-da yüksək VƏZİFƏ VERİLDİ

20 Aprel 2021 13:31

“Qurd” ləqəbi ilə tanınan məşhur reper Fərid Eminova Bakı Nəqliyyat Agentliyində vəzifə verilib.

Publika.az xəbər verir ki, bu barədə BNA-dan məlumatı təsdiqləyiblər.

Bildirilib ki, Fərid Eminov BNA-da Sağlamlıq, Əməyin Təhlükəsizliyi və Ətraf Mühit (SƏTƏM) üzrə baş mühəndis vəzifəsində çalışır: “Hər bir əməkdaş kimi Fərid bəylə də işə qəbul zamanı müvafiq müsahibə aparılıb. Onun çalışdığı sahə üzrə bilik və bacarıqları müvafiq qaydada yoxlanılıb”.

Qeyd edək ki, məlumatı ilk olaraq index.az saytı yayıb.

Xatırladaq ki, F. Eminov reper kimi fəaliyyətə 2000-ci ildə “Dəyirman” qrupunda başlayıb. 2005-ci ildə “Klan-A-Plan” qrupu yaradılıb və bu qrupun üzvü olub. 2012-ci ildə qrup dağılandan sonra solo karyerasına başlayıb. “Rəqs edir hər kəs”, “Tapın onu” , “Tək-tək”, ”Apar məni” və digər mahnıları var.