Nəqliyyat

Güclü qar Cəlilabad-Yardımlı yolunda hərəkəti məhdudlaşdırdı - VİDEO

23 Fevral 2025 15:50

Cəlilabad-Yardımlı istiqamətində olan kəndlərdə qarın hündürlüyü 40 sm-ə çatıb.

Publika.az Teleqraf-a istinadən xəbər verir ki, sözügedən yolla əlaqədar rayonun Buravar, Badamağac, Əsədli, Ləkin, Musalı, Şatırlı və digər kəndlərində avtomobillərin hərəkətində çətinliklər yaranıb.

Əhalinin sözlərinə görə, bəzi yaşayış məntəqələrində qarın hündürlüyü 30-40 santimetrə qədər çatıb. Cəlilabad rayon icra hakimiyyətinin müavini, fövqəladə hallar komissiyasının sədri Qalib Xudaverdiyev deyib ki, səhər saatlarından başlayaraq hərəkət çətinliyi yaranan yolda qar təmizləyən texnika və işçi qüvvəsi yolun açılması üçün çalışır.

Qeyd edək ki,bölgədə qar yağışı fasilələrlə davam edir. Ən çox qar ucqar dağ kəndlərində yağıb, burada qarın hündürlüyü 30-40 santimetrə çatır. Sinoptiklər gün ərzində yağıntının davam edəcəyini və bəzi yerlərdə intensivləşəcəyini bildirir.