Nida Təhlil
Paşinyan Ermənistanı fəlakətə aparır - Politoloq
"Nikol Paşinyan siyasətdə tamamilə təsadüfi adamdır, onun nə dövlət idarəçiliyindən, nə diplomatiyadan, iqtisadiyyatdan, nə də hərbdən anlayışı var. Əgər dövləti idarə etmək anlayışı olsaydı, onu bu vəziyyətə salmazdı. Dövlət başçısı bu gün bir söz, iki saatdan sonra başqa bir fikir söyləyə bilməz. Dövlət başçısının fikirləri məntiqli, ardıcıl və əsaslandırılmış olmalıdır. Amma Paşinyanda bunların heç biri yoxdur".
Bu sözləri Publika.az-a açıqlamasında BDU-nun Geosiyasət və konfliktologiya üzrə fəlsəfə doktoru, dosent Kərəm Məmmədov deyib. Ekspert bildirib ki, Paşinyan Ermənistanı fəlakətə aparan baş nazirdir:
“Bu fəlakətin nəticələri uzun illər Ermənistanın iqtisadi-siyasi həyatında özünü göstərəcək. Paşinyan məsuliyyətsiz və sərsəm bəyanatları ilə dövləti pis vəziyyətə salıb.1994-cü ildən bəri münaqişə ilə bağlı sülh danışıqları gedir. Əgər onda məsuliyyət hissi olsaydı, münaqişənin sülh yolu ilə həll olunmasına çalışardı.
Şarl de Qollun belə bir fikri var: Danışıqlar istənilən nəticəni verməsə də, hər halda danışıqlar aparmaq və ünsiyyət qurmaq lazımdır. Danışıqları tamamilə kəsmək olmaz. İstəsək də, istəməsək də hər bir müharibənin sonu istər-istəməz sülh müqaviləsi ilə nəticələnir. Cənab Prezident də çıxışlarında vurğulayıb ki, biz Ermənistan xalqı ilə düşmən deyilik. Sadəcə olaraq Ermənistanın məsuliyyətsiz hərbi-siyasi rəhbərliyi ucbatından belə vəziyyət yarandı.
Azərbaycan Ordusu öz tarixi torpaqlarını azad etməklə məşğuldur, kimsənin torpağında gözümüz yoxdur. Biz öz vətənimizdə torpaqlarımız uğrunda azadlıq müharibəsi aparırıq. Paşinyansa hakimiyyətini qorumaq üçün müxtəlif vasitələrə əl atır, o dövlət başçısı qalmayıb ki, zəng eləyib yalvarmasın. Halbuki 3 dəfə humanitar atəşkəs razılaşması əldə olunub, üçündə də atəşkəsin qüvvəyə minməsindən bir neçə dəqiqə sonra Bərdə və Gəncəni raket atəşinə tutdular”.
Politoloq qeyd edib ki, Paşinyan dünya liderləri arasında heç bir nüfuza malik deyil:
“Çünki xarici media orqanlarına yalan məlumatlar ötürür. Odur ki, real vəziyyətdə heç kim ona inanmır. Hətta onun ən yaxın saydığı dövlətlərin rəhbərləri belə ona etibar etmirlər. Tarixdə elə bir lider təsəvvür edə bilmirəm ki, Ermənistanın həm əvvəlki, həm də indiki rəhbərliyini müqayisə edə bilim”.
Aytən Məftun
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO