• USD 1,7000 0,00% EUR 2,0695 0,00%
    • GBP 2,3318 0,00% RUB 0,0230 0,00%

Bu görüş Azərbaycan-Rusiya münasibətlərinin yüksək səviyyədə olduğunu göstərdi - Deputat

Bu görüş Azərbaycan-Rusiya münasibətlərinin yüksək səviyyədə olduğunu göstərdi - Deputat

“Moskva görüşü Azərbaycanın zəfərlə bitən Vətən müharibəsindən sonra yaranmış nəticənin müzakirələrinə həsr edilsə də, bu görüşün içərisində Azərbaycan-Rusiya münasibətləri xüsusilə diqqəti cəlb edir”.

Bunu Publika.az-a danışan Milli Məclisin deputatı Aydın Mirzəzadə deyib.

Deputat qeyd edib ki, Rusiyanın region dövləti və dünyada aparıcı siyasi güclərdən biri olaraq vasitəçiliyi Azərbaycan tərəfindən müsbət qarşılanıb və bu, öz nəticəsini verib: “Eyni zamanda regionda yeni reallığın yaranması, müharibə ehtimalının artıq gündəmdən çıxması Rusiyanın da maraqlarına cavab verir. Bununla Rusiya cənub sərhədlərini möhkəmləndirir və Azərbaycan vasitəsilə digər ölkələrə çıxışını asanlaşdırır. Nəzərə alsaq ki, bu gün Rusiya Türkiyə, İran və ərəb ölkələri ilə sıx ticari-iqtisadi münasibətlərə malikdir. Digər yollar çox uzundur və nəqliyyat xərcləri böyük həcm tutur. Rusiya Azərbaycandan və Naxçıvandan keçməklə Türkiyə və İran bazarlarına çıxa bilər. Bu, bütün əlaqələri möhkəmləndirir”.

A.Mirzəzadənin sözlərinə görə, regionda konfliktin azalması Rusiyanın bölgədə yeni layihələr təklif etməsinə, həmçinin Azərbaycanın təşəbbüsü ilə baş tutan layihələrdən daha effektli istifadəsinə gətirib çıxarır: “Azərbaycan-Rusiya münasibətləri əvvəllər də yüksək səviyyədə olub və bu əlaqələr bütün sahələri əhatə edib. Ancaq indi yeni reallıqda bu əlaqələr regionla yanaşı, digər bölgələrdə də birgə fəaliyyətə çox böyük imkanlar açır. Ermənistan Rusiya ilə müttəfiq olsa da, bu ölkənin apardığı siyasət və iqtisadi-siyasi nüfuzu heç də onu güclü siyasi oyunçuya çevirə bilmir. Bunu Rusiya da yaxşı bilir. Bu gün Azərbaycan və Türkiyə ilə münasibətlər Rusiyanın bu istiqamətdə siyasətində çox böyük yer tutur.

Rusiya Prezidentinin Azərbaycan Prezidenti ilə dostyana münasibəti iki lider arasında uğurlu əlaqələrin olduğunu göstərir. Moskva görüşü Azərbaycan və Rusiya münasibətlərinin bu gün yüksək səviyyədə olmasına gözəl nümunədir”.

Akqabay Mıradov

Halal Nemət

Xəbər lenti

DAHA ÇOX XƏBƏR