• USD 1,7000 0,00% EUR 2,0259 -0,65%
    • GBP 2,3667 -0,52% RUB 0,0235 0,00%

Bu, türk dünyasının ürəyinə vurulmuş xəncər idi - Professor

Bu, türk dünyasının ürəyinə vurulmuş xəncər idi - Professor

Prezident Türkdilli Dövlətlərin Əməkdaşlıq Şurasının qeyri-rəsmi zirvə görüşündəki çıxışında tədbir iştirakçılarına ilk növbədə ikinci Qarabağ müharibəsi haqqında ətraflı və dolğun məlumat verdi. O, bildirdi ki, vaxtı ilə qədim Azərbaycan torpağı olan Zəngəzur ermənilər tərəfindən işğal olunaraq Ermənistana birləşdirilib. Zəngəzurun Ermənistana birləşdirilməsi Türk dünyasının ürəyinə vurulmuş xəncər idi.

Bu sözləri Publika.az-a açıqlamasında siyasi elmlər doktoru, professor Ramiz Sevdimalıyev deyib.

O bildirib ki, ikinci Qarabağ müharibəsində əldə edilən qələbədən sonra razılığa əsasən Azərbaycanla Naxçıvan arasında Zəngəzur üzərindən dəhliz açılacaq və bu dəhliz Azərbaycanı Naxçıvan vasitəsiylə Türkiyə ilə birləşdirəcək:

“Bu dəhliz Türkiyəni Azərbaycan vasitəsiylə digər türk ölkələri olan Mərkəzi Asiya Respublikaları ilə birləşdirəcək. Zəngəzur dəhlizinin bu formada gündəmə gəlməsi onu göstərir ki, vaxtilə bizdən ayrılması ilə türk dünyasının ürəyinə xəncər kimi sancılan qədim Zəngəzur torpağı gələcəkdə türk dünyasının rəmzinə çevriləcək.

Türk birliyi üçün Zəngəzur üzərindən dəhliz salınacaq. Bununla həm bütün türk dünyası, həm də region ölkələri üçün yeni imkanlar yaranacaq. Azərbaycanın Türkiyə və Avropa ilə əlaqələri daha da genişlənəcək. Cənab Prezident çıxışında qeyd etdi ki, Zəngəzur dəhlizinin açılmasından hətta Ermənistan özü də fayda götürəcək. Ermənistanın strateji tərəfdaşları olan Rusiya ilə hazırda dəmiryol əlaqələri yoxdur. Amma Zəngəzur dəhlizi istifadəyə verilərsə, Ermənistan Azərbaycan ərazisindən keçməklə Rusiya ilə dəmiryol xətti yarada biləcək. Eyni zamanda Ermənistan Naxçıvan üzərindən, Culfadan İrana da dəmiryol xətti ilə əlaqələr yaratmaq imkanı əldə edəcək. Zəngəzur koridorunun istifadəyə verilməsi bütün dövlətlər üçün istər strateji, istər təhlükəsizlik, istərsə də iqtisadi baxımdan sərfəlidir. Bütün müstəvilərdə nəzərdən keçirəndə bir dövlət üçün faydalı olacaq”.

Aytən Məftun

Halal Nemət

Xəbər lenti

DAHA ÇOX XƏBƏR