İrəvanın “Qırmızı bazar oyunu”na Bakının mümkün cavabları

Ermənistanın Qırmızı bazar istiqamətində Ordumuzun atəş açdığı, mülki infrastruktura ziyan vurduğu iddiası Paşinyanın Vladivostokda “alibi qazanmaq” planının praktiki mərhələdəki icrası kimi də görünür: gərginliyi artırırlar, Azərbaycanı “Rusiyanın Ukraynaya fokuslanmasından istifadə edərək, hücuma keçməkdə” ittiham edirlər;

Rusiyanın mövqeyinə bu yolla təsir etmək istəyən İrəvan Qərbin Bakıya təzyiqinə də “mülki infrastruktura hücum”la, yəni “ermənilər soyqırımına məruz qalır” görüntüsü ilə nail olmağa çalışır. Ermənistan ombudsmanının “hadisə” ilə bağlı müraciəti də bu prosesin tərkib hissəsidir. “Mülki insanlar” iddiasının indi – Dövlət Departamentinin Cənubi Qafqaz üzrə xüsusi nümayəndəsi Filip Rikerin bölgədə olduğu vaxt peyda olması da diqqəti bu məsələyə fokuslamağa hesablanıb.

Yekun hədəfi diqqəti masadan yayındırmaq, razılaşmaların icrasını arxa plana keçirmək olan İrəvan “Qarabağda ermənilər hücuma məruz qalır” iddiası ilə Minsk qrupu formatı üzərindən siyasət quran Vaşinqtona “münaqişənun bitmədiyi” əsasını vermək gedişi edir.

Bakının bu prosesdə seyrçi qalması, gərginlik yaradacaq addımlardan çəkinməsi erməni oyunlarının bitməsi ilə nəticələnməyəcək. Bu baxımdan, erməni hərbçilərin Azərbaycan ərazisindən çıxarılması, separatçıların tərkisilah edilməsi tələbini praktiki addımların müşaiyəti ilə gündəmə gətirmək daha sərfəli görünür:

Birincisi, Rusiyanın diqqəti gerçəkdən Ukraynada ilişib qalıb;
İkincisi, Rikeri bölgəyə “həmsədr” kimi göndərən ABŞ üçün Azərbaycanın öz suveren ərazisində istənilən addımı atmaq hüququ var mesajı verilə bilər;

Asif Nərimanlı