Nida Təhlil
"Qardaş yumruğu" kimin başını əzəcək? - Şuşa Bəyannaməsi ilə Lənkəranın, İmişlinin, Saatlının...
![](https://publika.az/storage/2021/02/15/yucel_karauz_4424.jpg?v1725752354)
“Türkiyə və Azərbaycan silahlı qüvvələri İranla sərhəddə geniş bir ərazidə həm hava, həm də quru qoşunlarının iştirakı ilə böyük hərbi təlim keçirir. Bu təlim 2013-cü ildən bəri keçirilən Azərbaycan-Türkiyə birgə hərbi təlimlərinin ən böyüyüdür və bir çox xüsusiyyətlərinə görə xüsusi önəm daşıyır”.
Bu sözləri Publika.az-a Türkiyənin Azərbaycandakı səfirliyinin keçmiş hərbi attaşesi, istefada olan general-mayor Yücel Karauz Azərbaycan və Türkiyə hərbçilərinin iştirakı ilə keçirilən “Qardaş yumruğu” birgə təliminin əhəmiyyətindən danışarkən deyib.
General qeyd edib ki, “Qardaş yumruğu” təlimi 44 günlük Vətən müharibəsindən əvvəl - iyul ayında keçirilən hərbi təlimlərə bənzəyir.
Onun sözlərinə görə, hər iki ölkənin silahlı qüvvələrinin müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikası, həmçinin hərbi aviasiya vasitələrinin cəlb olunması ilə keçirilən bu təlimi digərlərindən bir sıra xüsusiyyətlər fərqləndirir:
“Bu cür hərbi təlimlər birlikdə həm suda, həm quruda ortaq hərəkətə keçmə, təhdidlərin müəyyən olunması, qarşılıqlı fəaliyyətin öyrənilməsi və s. məqsədilə icra edilir. “Qardaş yumruğu” təlimində xüsusi olaraq F-16-ların, zirehli şəxsi personal daşıyıcılarının iştirakı önəmli oldu. Bu hərbi təlimi digərlərindən fərqləndirən isə Araz çayının üzərində qurulan körpü idi. Çayı keçmək hərəkatında qurulan səyyar üzücü keçid əməliyyatı, əngəlləri keçmək fəaliyyətinin icra olunması əhəmiyyətli detaldır. Eyni zamanda, təlimdə xüsusi təyinatlı qüvvələrlə bölgə əməliyyatları, düşmən bölgəsinin dərinliyində və arxasında hərəkət etməyi öyrənmək da uğurla yerinə yetirildi. Bu hərbi təlimdə başda Milli Müdafiə Nazirliyi olmaqla, Türkiyə Silahlı Qüvvələrinin bütün komanda heyətinin iştirak etməsi isə xüsusi əhəmiyyət daşıyır”.
Y.Karauz söyləyib ki, “Qardaş yumruğu” təlimi uzun müddətdir Azərbaycana barmaq silkələyən İrana, başda Ermənistan və Fransa olmaqla, Qafqaza sülhün və sabitliyin gəlməsini istəməyən bütün dövlətlərə mesajdır:
“Bu təlimlər dosta güvən, düşmənə qorxu yaşadıb. Heç kim Azərbaycana barmaq silkələyə bilməz. Şuşa Bəyannaməsi ilə Lənkəranın, İmişlinin, Saatlının artıq Ankaradan heç bir fərqi yoxdur. Hər kəs hesabını, kitabını ona görə etmək məcburiyyətindədir. Onlar barmaq silkələməyə davam etdikləri müddətdə, qarşılarında Azərbaycan və Türkiyənin “Qardaş yumruğu”unu görəcəklər. Bu təlimlərə “Qardaş yumruğu” adının verilməsi də məhz bu anlama gəlir”.
Akqabay Mıradov
![Publika.az](https://publika.az/assets/main/image/logo-nav.png)
-
Dünya01:35
Ukrayna İranı hədələdi: Bu xəbərlər təsdiqlənərsə...
-
Magazin17 Sentyabr 23:46
Zeynəb Xanlarova ilə Nəsibə Abdullayeva bir arada - FOTO
-
Region7 Sentyabr 23:32
İranın paytaxtı bura köçürüləcək - Pezeşkian "başqa çarəmiz yoxdur" deyərək açıqladı
-
ABŞ7 Sentyabr 22:26
Blinken onunla şəxsən görüşmək istəyir
-
Nida Xəbər 7 Sentyabr 21:24
Mehriban Əliyeva İlham Zəkiyevi təbrik etdi
-
Sosial7 Sentyabr 20:30
Hamı Bakının bu qəsəbəsindən torpaq alır - Səbəbi görün nə imiş
-
Region7 Sentyabr 18:15
Mirzoyan Ankarada bəyan etmişdi: Türkiyəyə təhvil verdilər
-
Nəqliyyat7 Sentyabr 17:47
Dünyada bir ilk: Bu avtomobil tarixə düşdü - FOTO