Nida Təhlil
Diplomatik müstəvidə mübarizə: Rusiyanın vasitəçiliyi təhlükə vəd edir, yoxsa...
"Bu gün Azərbaycanla Ermənistan arasında sülh prosesində böyük intensivlik müşahidə olunur. İlin əvvəlində Münhen Təhlükəsizlik Konfransı, ardınca ABŞ-nin vasitəçiliyi ilə baş tutan görüşlər, XİN rəhbərləri arasında müzakirələr Brüssel formatını yenidən canlandırdı. Brüsseldə Azərbaycan və Ermənistan liderləri görüşdü. Digər tərəfdən, Rusiya da XİN rəhbərləri səviyyəsində vasitəçiliyə dair təşəbbüs irəli sürüb. Burada diplomatik müstəvidə də mübarizəni görürük. Qlobal miqyasda Rusiya ilə Qərb dünyası müharibə şəraitindədir. Eyni zamanda Rusiya da Cənubi Qafqazda sülhün və sabitliyin, təhlükəsizliyin yaradılmasına dair öz gündəliyini genişləndirməyə çalışır".
Bu sözləri Publika.az-a açıqlamasında politoloq İlyas Hüseynov deyib.

O bildirib ki, sülhə dair böyük planlar, nailiyyətlər, həm də iqtisadi əməkdaşlığı prioritetə çevirəcək.
"Bu xüsusda nəqliyyat və kommunikasiya xətlərinin müstəsna əhəmiyyəti var. Eyni zamanda kommunikasiyalar üzərində suverenlik məsələsi bu gün əsas tərəflər, xüsusilə vasitəçilər arasında mövzuya çevrilib, sual kimi ortaya çıxır. Çünki eksteriterial status əsasında dəhlizlərin fəaliyyət göstərməsi, yaxud kommunikasiyalar üzərində suverenlik bu gün vasitəçilər və moderatorlar üçün də maraq kəsb edir.
Ona görə də, bu görüşlər silsilə xarakter daşıyır. Bir sıra məsələlər müzakirə olunur, amma əsas məsələ ondan ibarətdir ki, Azərbaycanın ərazi bütövlüyü Ermənistan tərəfindən qəbul olunub, digər tərəfdən bu, artıq rəqəmlərdə də əksini tapıb. Azərbaycanın beynəlxalq səviyyədə tanınmış 86,6 min kvadratkilometr ərazisi artıq heç bir mübahisə, danışıqlar predmeti deyil və Ermənistan Azərbaycana qarşı heç bir ərazi iddiası sürə bilməz.
Ona görə də məsələləri fundamental şəkildə həll etmək və ortaq mövqelərə çıxmaq önəmlidir. Hesab edirəm ki, Rusiyanın vasitəçiliyi ilə keçirilən görüşlər də regional sülhün gücləndirilməsinə yardımçı olacaq",- deyə politoloq yekunlaşdırıb.
Ayşən Rəhim
-
Sosial01:11Sağ ikən özünə “QR kod”lu başdaşı düzəltdirdi - VİDEO
-
Avropa00:42Zelenskidən YENİ MESAJ: "Vacib günlərdir və çox şey dəyişə bilər"
-
Qoroskop00:15Günün ULDUZ FALI - Nəticələr sizi sevindirəcək
-
Magazin130 Noyabr 23:48"Televiziyaları elə rəzil hala salıblar ki..." - FOTO
-
Art30 Noyabr 22:48Polad Bülbüloğlunun oğluna YENİ VƏZİFƏ VERİLDİ
-
Avropa30 Noyabr 22:36“Zelenski Yeni ildə istefa verəcək”
-
Magazin130 Noyabr 21:48"Kişi elə gəzməlidir ki, qadın bilməsin"
-
Avropa30 Noyabr 21:36101 yaşlı bodibilder uzunömürlülüyün SİRRİNİ AÇDI - VİDEO




































