Nida Xəbər
Nazirlərin gərgin görüşü və Qarabağda BÖYÜK MÜHARİBƏ YOLU: ekspert erməni planını AÇDI
Azərbaycan və Ermənistan xarici işlər nazirlərinin dünən
Brüsseldə keçirilən görüşündə ciddi nəticələr əldə olunmadı.
Publika.az xəbər verir ki, rəsmi məlumatda münaqişənin
nizama salınmasında irəliləyişlərin əldə olunması üçün şəraitin
yaradılması məsələsinin müzakirə olunduğu bildirilir.
Görüşdən öncə Azərbaycan və Ermənistan XİN rəhbərləri ATƏT-in
Xarici İşlər Nazirləri Şurasının iclasında çıxış etdilər. Əslində
bu çıxışlar dolayısı ilə görüşün atmosferinə də təsir edirdi.
Elmar Məmmədyarov çıxışında qəti şəkildə bildirdi ki, münaqişə
beynəlxalq hüquqa uyğun olaraq Azərbaycanın ərazi bütövlüyü
çərçivəsində həll olunmalıdır.
Edvard Nalbandyan isə İrəvanın qeyri-konstruktiv mövqeyini nümayiş
etdirərək, Vyana və Sankt-Peterburq razılaşmalarını gündəmə
gətirdi. Nalbandyan bununla “atəşkəsə nəzarət mexanizmi”nin
yaradılmasını nəzərdə tutur.
Nazirlər bu ilin sentybarında BMT-nin Nyu-Yorkda keçiriləcək baş
assambleyasının iclası çərçivəsində növbəti dəfə görüşəcək.
Göründüyü kimi, Brüssel görüşü nəticəsiz başa çatdı və bu,
qarşıdakı günlərdə münaqişə zonasında ciddi toqquşmaların ola
biləcəyinə işarədir. Müharibə variantının gündəmə gəlməsi
Ermənistanda təşvişə səbəb olub.
“Lragir” saytı yazır ki, təmas xəttində toqquşmalar hər an başlaya
bilər.
“Rusiya “Kazan planı”ndan imtina etmədi və hesab olunur ki,
Azərbaycana çatdırılan son silahlar da bununla bağlıdır. Görünür,
Rusiya Ermənistanın razılaşması üçün əlindən gələni edir. Lakin bu,
yalnız müharibə ilə mümkündür”, - deyə sayt qeyd edir.
Hərbi ekspert Üzeyir Cəfərov Publika.az-a
açıqlamasında bildirib ki, münaqişə həll olunmadığı və Azərbaycanın
ərazi bütövlüyü bərpa edilmədiyi müddətdə cəbhədə hər an lokal və
ya genişmiqyaslı əməliyyatların başlanması mümkündür: “Ermənistan
və havadarları vaxtı uzadır. Bu vəziyyət Ermənistana və həmsədrlərə
sərf edir. Dünənki görüşdən öncə Lavrovla Nalbandyanın görüşməsi
diqqətdən yayınmadı. Görünür, Rusiya xarici işlər naziri görüşdən
öncə erməni nazirə öz təlimatlarını verib. İndi də deyirlər ki,
sentyabrda yeni görüş olacaq. Bu, vaxt uzatmaqdır. Həmsədrlər
prezidentlərin görüşünü təşkil etmək istəyirlər. Sarkisyan görüşə
gələcək və 2018-ci ilin aprelinə qədər vaxtı uzadacaq, həmin vaxt
prezident səlahiyyətlərini təhvil verəcək, ondan sonra gələcək
hansısa “yan” bildirəcək ki, məsələni öyrənməlidir. Beləliklə, 20
ildən artıqdır uzadılan vaxt daha da uzanacaq. Azərbaycan
Ermənistana və həmsədrlərə sentyabra, yaxud oktyabra qədər vaxt
verməlidir. Əgər ciddi irəliləyiş olmasa, onda lazımi tədbirlər
görülməlidir”.
Hərbi ekspert qeyd edib ki, dinc əhalini, azyaşlı uşaqları,
qocaları öldürən Ermənistanla bir masada oturmaq mənasızdır.
“Bizim dinc əhalimizi öldürürlər, sonra da təmkinli olmağa dəvət
edirlər. Hansı təmkindən söhbət gedə bilər?! Faktiki olaraq,
aparılan mənasız danışıqlar düşmənə vaxt qazandırır. Artıq konkret
vaxt qoymaq lazımdır”, - deyə o bildirib.
Ü.Cəfərov Azərbaycan Ordusunun hazır vəziyyətdə olduğunu diqqətə
çatdırıb: “Ordu hər an hazırdır, sadəcə olaraq, siyasətçilərin
qərarını gözləyir. Kifayət qədər güclü ordumuz var”.
Asif
-
Hadisə19:50
Bakıda bazardakı yanğın söndürüldü - FOTO/VİDEO (YENİLƏNDİ)
-
Magazin119:48
Oğlu Cavanşir Məmmədovun məzarı önündə göz yaşı tökdü - VİDEO
-
Cənubi Qafqaz19:12
Ermənistan KİV-i Bağanis Ayrımla bağlı yeni MƏLUMAT YAYDI
-
Hadisə18:38
Azərbaycanlı iş adamının qətlini o qadın sifariş edib? - ŞOK İDDİA
-
Sosial17:50
Cavanşir Məmmədov kostyumla dəfn edilib?
-
Dünya17:45
Ərdoğan bu sarayda HƏMAS lideri ilə GÖRÜŞDÜ
-
Dünya17:30
Fidan: Dünyanın ən böyük problemi ikiüzlülükdür
-
Nida Xəbər 16:10
Ceyhun Bayramov İran səfiri ilə görüşdü