Azərbaycan “Putinin NATO-su”na üzv olacaq? - Məmmədyarov AÇIQLADI

“Dəfələrlə qeyd etdiyimiz kimi, Azərbaycan tarazlaşdırılmış xarici siyasət aparır”.

Publika.az xəbər verir ki, bu barədə Azərbaycanın xarici işlər naziri Elmar Məmmədyarov “RİA Novosti”yə müsahibəsində “Mətbuatda Azərbaycanın Kollektiv Təhlükəsizlik Müqaviləsi Təşkilatına (KTMT) daxil olması məsələsi fəal müzakirə olunur. Həqiqətənmi, bu təşkilata üzv ölkələrlə danışıqlar aparır?” sualına cavabında deyib.

Nazir vurğulayıb ki, Azərbaycan Kollektiv Təhlükəsizlik Müqaviləsi Təşkilatına üzv dövlətlərlə aktiv şəkildə ikitərəfli dialoq və bərabərhüquqlu əməkdaşlığı inkişaf etdirir, təbii ki, Ermənistandan başqa.

“Çünki bu ölkə Azərbaycana qarşı hərbi təcavüzü həyata keçirməyə və mənim ölkəmin beynəlxalq səviyyədə tanınmış ərazilərini işğalda saxlamağa davam edir”, - deyə nazir diqqətə çatdırıb.

Qeyd edək ki, “Putinin NATO-su” kimi tanınan KTMT-ya üzv ölkələrlə Azərbaycanın ikitərəfli münasibətləri yüksək səviyyədədir. Son zamanlar, Azərbaycanın bu təşkilata üzv olacağı, yaxud müşahidəçi status alacağı məsələsi fəal şəkildə müzakirə olunur.

Asif