Nida Xəbər

Azərbaycan nazirliklərinin saytlarında problem yarandı - Giriş mümkün deyil

7 Mart 2020 17:57

Hazırda Azərbaycanın bir sıra dövlət qurumlarının saytlarına girişlə bağlı problemlər yaranıb.

“Report” xəbər verir ki, İqtisadiyyat Nazirliyinin, Nazirlər Kabinetinin, Fövqəladə Hallar Nazirliyinin, Müdafiə Nazirliyinin saytları fasilələrlə işləyir.

Belə ki, son 30-40 dəqiqədən çoxdur ki, bu saytlara giriş ya mümkün olmur, yaxud da onlar çətinliklə açılır.

Nəqliyyat, Rabitə və Yüksək Texnologiyalar Nazirliyinin Mətbuat katibi Günel Gözəlova məsələ ilə bağlı “Report”a bildirib ki, saytların açılmamağı ilə bağlı Nazirliyə rəsmi müraciət edilməyib: “Bu cür hallar adətən yüklənmə prosesində olur. Elekton Təhlükəsizlik Xidmətinə bu halın araşdırılması üçün artıq müraciət etmişik”.