Nida Xəbər

İƏT-in nümayəndə heyəti Gəncə və Ağdama səfər etdi - FOTO

6 Aprel 2021 19:06

İslam Əməkdaşlıq Təşkilatının (İƏT) Ermənistanın Azərbaycana qarşı təcavüzünə dair Təmas Qrupuna daxil olan ölkələrin daimi nümayəndələrinin ölkəmizə səfəri başlayıb.

Publika.az-ın bölgə müxbirinin verdiyi məlumata görə, səfər çərçivəsində diplomat heyyəti Gəncə şəhərində olub.

Onlar Vətən müharibəsi zamanı işğalçı Ermənistan ordusu tərəfindən dinc sakinlərin yaşadığı ərazilərə atılan balistik raketlərlə vurulan yaşayış massivlərinə baxış keçiriblər.

Bir daha bildirilib ki, İƏT olaraq daima Azərbaycan xalqının yanında olublar və hər zaman Azərbaycanın haqlı davasını istər Birləşmiş Millətlər Təşkilatında (BMT), istərsə də digər beynalxalq qrumlarda müdafiə ediblər.

Məlumat üçün bildirək ki, İƏT-ə üzv olan 9 ölkədən 15 nümayəndə heyyəti Gəncə və Ağdam şəhərlərinə səfər edib.