Nida Xəbər

Zelenski və Şolz razılaşdı: G7 ölkələri təcili toplanır

10 Oktyabr 2022 16:40

Ukrayna Prezidenti Vladimir Zelenski Almaniya kansleri Olaf Şolzla G7 ölkələrinin təcili görüşünün keçirilməsi barədə razılığa gəldiyini açıqlayıb.

Publika.az xəbər verir ki, iclasda V.Zelenskinin çıxışı nəzərdə tutulub.

Ukrayna Prezidentinin ofisindən bildirilib ki, görüş çərşənbə axşamı, oktyabrın 11-nə planlaşdırılıb.

“Biz G7-yə sədrlik edən Almaniya kansleri Şolzla qrupun təcili iclası ilə bağlı razılığa gəldik. Mənim çıxışım planlaşdırılıb”, – Vladimir Zelenski öz "Twitter" səhifəsində yazıb.

Daha sonra Ukrayna Prezidentinin dəftərxanasından bildirildiyi kimi, G7-nin təcili iclası çərşənbə axşamı, oktyabrın 11-də keçirilməlidir.

Oktyabrın 10-da səhər saatlarında Ukrayna ərazisinə raket hücumları başlayıb. Yerli hakimiyyət orqanları yaralananlar və ölən mülki şəxslərin olduğunu bildirib. Ukraynanın bəzi vilayətlərində elektrik enerjisi, su və rabitə xətlərində fasilələr yaranıb.

Səxavət