Nida Xəbər

Almanların 30 faizi Kiyevə silah verilməsinə qarşıdır –Şolz

22 Oktyabr 2022 12:12

Müxtəlif siyasi baxışlı almanların 30 faizə qədəri Almaniya hökumətinin həyata keçirdiyi sanksiya siyasəti, eləcə də Ukrayna ordusuna silah verilməsi ilə razılaşmır.

Publika.az xəbər verir ki, bunu Almaniya kansleri Olaf Şolz “Die Welt” nəşrinə müsahibəsində deyib.

“Vətəndaşlarla söhbətlər zamanı məndə belə bir təəssürat yarandı ki, 20-30 faiz nə sanksiya siyasəti, nə də silah tədarükü ilə razı deyil. Onların arasında demək olar ki, bütün siyasi baxışlara malik olan seçicilər var ”, - deyə Şolz bildirib .

Eyni zamanda o, koalisiya hökumətinin indiki siyasətini davam etdirəcəyini bəyan edib.

Qeyd edək ki, aprel ayında Almaniyanın 20-yə yaxın elm, siyasət və mədəniyyət xadimi, o cümlədən Bundestaqın keçmiş vitse-prezidenti Antje Vollmer Ukraynaya silah tədarükünün dayandırılması xahişi ilə Olaf Şolza müraciət etmişdi.

Səxavət