Diplomatlar Azərbaycan vasitəsilə İrandan təxliyə olunurlar - Foto

Hazırda "Astara" Sərhəd Buraxılış Məntəqəsi vasitəsilə ispan və braziliyalı diplomatların təxliyə prosesi həyata keçirilir.

Publika.az Teleqraf-a istinadən xəbər verir ki, diplomatlar kiçik qruplar halında Azərbaycan ərazisinə daxil olublar. Müxtəlif vəzifələrdə çalışan bu şəxslər hazırda sərhəd-keçid məntəqəsində müvafiq yoxlanış prosedurlarından keçirilirlər.

Bəzi diplomatların vizası olmadığından, sərhəd buraxılış məntəqəsində operativ şəkildə elektron viza rəsmiləşdirilməsi həyata keçirilir.

Qısa müddət ərzində diplomatların Azərbaycan ərazisi vasitəsilə təhlükəsiz təxliyəsinin təmin olunacağı bildirilir.

***

Bu gün axşam saatlarından etibarən "Astara" Sərhəd Buraxılış Məntəqəsi vasitəsilə diplomatların kütləvi keçidi başlayıb.

Publika.az Teleqraf-a istinadən xəbər verir ki, müxtəlif ölkələrin diplomatik nümayəndələri ardıcıl şəkildə Azərbaycan ərazisinə daxil olurlar. Az öncə beş ayrı-ayrı səfirliyə məxsus diplomatik nümayəndəliklərin avtomobilləri sərhədi keçərək ölkə ərazisinə buraxılıb.

Keçid prosesi təhlükəsizlik tədbirləri çərçivəsində və mövcud prosedurlara uyğun şəkildə həyata keçirilir.

Hazırda Braziliya səfirliyinin əməkdaşları da təxliyə olunub. Təxliyə olunanlar arasında səfirin özü də var.

Keçid prosesi təhlükəsizlik tədbirləri çərçivəsində və mövcud prosedurlara uyğun şəkildə həyata keçirilir.

Əlavə məlumat veriləcək.

***

İsveç və Çexiyanın diplomatik korpusunun əməkdaşları “Astara” dövlət sərhədindən buraxılış məntəqəsi vasitəsilə İrandan təxliyə olunub.

Publika.az Teleqraf-a istinadən xəbər verir ki, az öncə iki çex və bir İsveç diplomatı sərhəd məntəqəsindən Azərbaycana keçiblər.

Təxliyə prosesi müvafiq prosedurlar çərçivəsində həyata keçirilir və digər diplomatların da təhlükəsiz çıxışı təmin olunur.