Banklar 9 ayda nə qədər kredit verib?

Oktyabr ayının 1-nə ölkədə kredit qoyuluşu 19 113 511,3 min manat təşkil edib. Kreditlər üzrə orta faiz dərəcəsi 13,6 faiz olub.

Publika.az Mərkəzi Banka istinadən xəbər verir ki, paytaxt sakinləri bank kreditlərindən daha çox yararlanıblar. Kommersiya bankları Bakı üzrə 15 828 617,3 min manat kredit veriblər. Kreditlərin orta faiz dərəcəsi 12,2 faiz olub. Ən yüksək faizlə kreditlər Lənkəranda verilib. Belə ki, Lənkəran sakinlərinə 23,8 faizlə 281 972,1 min manat kredit verilib.

Aran iqtisadi rayonuna kredit qoyuluşu 846 467,5 min manat olub. Kreditlərin orta faizləri 22,9 faiz təşkil edib.

İqtisadiyyat şöbəsi