Ordumuz məcburetmə əməliyyatına başlayacaq - Ekspert AÇIQLADI

“Azərbaycan Ordusu tam hazır vəziyyətdədir. Silahlı Qüvvələrimiz əldə etdikləri bacarıqları tətbiqinə can atır. Rəhbərlikdən gələn bütün tapşırıqlar onlar tərəfindən qüsursuz yerinə yetiriləcək”.

Bunu Publika.az-a açıqlamasında ehtiyatda olan polkovnik, hərbi ekspert Üzeyir Cəfərov deyib.

Ü.Cəfərov vurğulayıb ki, Azərbaycan Ordusu əməliyyata hazır vəziyyətdədir: “Ermənilər həyata keçirdiyi təxribatlarla heç nəyə nail olmayacaqlar. Azərbaycan Ordusu düşmənə layiqli cavab verir. Ermənistan insidentlər törətməklə demarkasiya və delimitasiya, həmçinin digər prosesləri ləngitəyə çalışır. Qazaxın 7 kəndi və Naxçıvanın Kərki ərazisi Azərbaycan əsgərinin gücü hesabına geri qaytarılacaq. Çünki ruslar və qarşı tərəf üzərlərinə düşən heç bir öhdəliyi yerinə yetirmək istəmir. Bu yaxınlarda Azərbaycan Müdafiə nazirinin səsləndirdiyi fikirlərdən belə çıxır ki, ordumuz məcburetmə əməliyyatına başlayacaq. Çünki Rusiya sülhməramlıları boyunlarına düşən işi həyata keçirmirlər. Buna görə də proses uzanır. Əgər bu məsələ ilə bağlı Azərbaycan Ordusuna tapşırıq verilərsə, silahlı qüvvələrimiz əmri yüksək səviyyədə yerinə yetirəcək”.