Qırmızı.az

Bağçalara tərbiyəçilər bu üsulla qəbul ediləcək

14 Aprel 2022 11:45

İndiyə qədər tərbiyəçilər bağça müdirləri tərəfindən işə qəbul edilirdi, lakin artıq onlar xüsusi imtahanla işə götürüləcəklər.

Publika.az xəbər verir ki, bunu Təhsil Nazirliyinin Ümumi təhsilin təşkili və idarəolunması şöbəsinin müdiri Elnur Əliyev deyib.

O qeyd edib ki, imtahanlar adətən yay mövsümündə keçirilir.

"Müvafiq ixtisas üzrə imtahanlardan uğurla keçən müəllimlər bağçaların vakant yerlərinə qəbul ediləcək", - deyə o əlavə edib.

Elnur Əliyev bildirib ki, uşaq bağçalarında tərbiyəçilərin və təhsilverənlərin işə qəbulu ilə bağlı müvafiq işçi qrup yaradılıb.

Şöbə müdiri qeyd edib ki, qəbul prosesinin istiqamətləri ilə bağlı iş aparılır: "Biz bilməliyik ki, bağçaya təyin edəcəyimiz əməkdaş həqiqətən də tədrisə tamamilə hazırdır. Prosesin nəticəsi haqqında ictimaiyyətə məlumat veriləcək. Hesab edirəm ki, bu sahədə inqilabi dəyişikliyin olması nəzərdə tutulmur. Sadəcə bir bağça tərbiyəçisinin bilməli olduğu məqamlar soruşulacaq”.