“Azəriqaz” 5 rayonda “Açıq mikrofon” aksiyası keçirəcək

SOCAR “Azəriqaz” İstehsalat Birliyinin “Açıq mikrofon” aksiyası növbəti həftə 5 rayonda keçiriləcək.

Bu barədə Publika.az">Publika.az-a İstehsalat Birliyindən məlumat verilib.

Bildirilir ki, sosial şəbəkə vasitəsilə abonentlərin Birliyin baş direktoru Ruslan Əliyevə ünvanladıqları qaz təchizatı ilə bağlı müxtəlif növ müraciətləri nəzərə alaraq, növbəti həftə (16-20.05.2022 tarixləri) 5 rayonda vətəndaşlarla “Açıq mikrofon” aksiyaları keçiriləcək.

Aksiya həftənin birinci günü Quba rayonunda (Quba şəhəri, H.Əliyev prospekti, Gənclər Parkı), ikinci günü Qusar rayonunda (Qusar şəhəri, H.Əliyev prospekti Rəsm Qalereyasının həyəti), 3-cü günü Sabirabad rayonunda (Sabirabad şəhəri, Olimpiya İdman Kompleksinin həyəti), 4-cü günü Şirvan rayonunda (Şirvan şəhəri, İstiqlaliyyət prospekti 10) və 5-ci günü isə Saatlı rayonunda (Saatlı şəhəri, H. Əliyev prospekti, Gənclər Mərkəzinin qarşısı) saat 11:00-dan 12:00-dək baş tutacaq.

Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.