Tələbələr “Khazar Islands”da – FOTOLAR

Azərbaycan Dövlət Neft Akademiyası, Prezident yanında Dövlət İdarəçilik Akademiyası, Azərbaycan Texniki Universiteti, Sumqayıt Dövlət Universitetinin bir qrup tələbəsi yeni salınan “Xəzər adaları” (“Khazar Islands”) şəhərində ekskursiyada olublar.

Publika.az-ın məlumatına görə, ekskursiya zamanı tələbələr “Xəzər adaları” layihəsinin müəllifi, “Avesta Concern”nin rəhbəri, tanınmış iş adamı Hacı İbrahim Nehrəmli və “Avesta Concern”nin vitse-prezidenti Taleh Quliyev tərəfindən də qəbul ediliblər.

Görüşdə tələbələrə məlumat verilib ki, son illər dünyaya baş verən maliyyə böhranına baxmayaraq, Prezident İlham Əliyevin həyata keçirdiyi uzaqgörən siyasət nəticəsində Azərbaycanda iri investisiya layihələri uğurla davam etdirilir. Bu cür investisiya layihələrindən biri də paytaxt Bakı yaxınlığında inşa edilən və Azərbaycanı dünyada tanıdacaq “Xəzər adaları” şəhəridir.

Bildirilib ki, sözügedən şəhərciyin inşasına milyardlarla investisiya vəsaiti qoyulub ki, bu da ölkəmizdə minlərlə yeni iş yerinin açılmasına səbəb olub.

Hacı İbrahim Nehrəmli Azərbaycanda yaradılan sabitliyə və əmin-amanlığa görə ölkəmizin dünyada marağa səbəb olduğunu deyib.

Vasif Həsənli