Region

İranın raketlə vurduğu Ukrayna təyyarəsi ilə bağlı YENİ XƏBƏR

28 İyul 2020 15:23

8 yanvarda İranın paytaxtı Tehranda İnqilab Keşikçiləri Korpusunun Hava Hücumundan Müdafiə Sistemləri tərəfindən raketlə vurulan Ukrayna Hava Yollarına məxsus təyyarənin kompensasiyası üçün hərəkətə keçilib.

Publika.az xəbər verir ki, İran heyəti məsələ ilə bağlı sabah Ukraynaya yola düşəcək.

Ukrayna tərəfinin tələbi üzərinə gedəcək heyət 29-30 iyul tarixlərində rəsmi görüşlərə qatılacaq. Kompensasiya məbləğinin müzakirələrin nəticəsində dəqiqləşdirilməsi gözlənilir.

Qeyd edək ki, Ukrayna Hava Yollarına məxsus "Boeing 737" tipli sərnişin təyyarəsi Kiyevə getmək üzrə 8 yanvarda havaya qalxmış, qısa müddət sonra qəza enişi etmişdi. Təyyarədəki 176 nəfərin hamısı həlak olmuşdu.

İran ordusunun Baş qərargahı Ukrayna təyyarəsinin həssas hərbi nöqtənin üzərindən keçərkən “insani xəta” nəticəsində iki raketlə vurulduğunu etiraf etmişdi.

Zümrüd