Region

Ərşad Saleh Türkman Cəbhəsinin sədrliyindən getdi

29 Mart 2021 17:18

İraq Türkman Cəbhəsi lideri Ərşad Saleh (Erşat Salihi) vəzifəsindən istefa edib, yerinə köməkçisi Hasan Turan seçilib.

Publika.az xəbər verir ki, Roma Papasının İraqa səfəri və etnik xalqlar arasında təkcə türkmanları salamlamaması fonunda baş verənlər maraqlıdır.

Türkiyədə bu məsələ ciddi müzakirələrə səbəb olub. İddialara görə, Saleh Ankaranın təzyiqi ilə vəzifəsindən uzaqlaşdırılıb. Lakin “haber7” saytı istefanın səbəbləri haqda məlumatlar əldə edib.

Məlumatlara görə, Saleh əsas fəaliyyətini Bağdadda – parlamentdə həyata keçirəcək. İraqın yeni hökumətində türkmanların nazir postlarından birini əldə etməsi türkman əsilli millət vəkillərinin Bağdadda daha aktiv fəaliyyət göstərməsini zəruri edir.

Hasan Turan da millət vəkilidir, lakin onun əsas fəaliyyətini Türkmaneli bölgəsində olacağı deyilir.

Asif