Qarabağ müharibəsindən sonra dünya... - Bayraktar
Bizi izləyin

Region

Qarabağ müharibəsindən sonra dünya... - Bayraktar

Pilotsuz uçuş aparatlarımıza (PUA), xüsusilə də "Bayraktar TB2" PUA-larına bütün dünyada böyük maraq var, hətta bəzən tələbatı qarşılamaqda çətinlik çəkirik.

Publika.az xəbər verir ki, bunu Türkiyənin Aksaray şəhərində "Teknofest" sərgisində iştirak edən "Baykar" şirkətinin rəhbəri Selçuk Bayraktar deyib.

O bildirib ki, bu aparatlara maraq Suriyada və Qarabağda hərbi əməliyyatlardan sonra daha da artıb:

"Dünyanın hər yerindən pilotsuz uçuş aparatlarımıza (PUA) böyük maraq var. Xüsusilə İdlib və Qarabağ əməliyyatlarından sonra bu maraq artdı. Əslində, "Bayraktar TB2" pilotsuz uçuş aparatları İdlibdə, "Zeytun budağı" və "Fərat qalxanı" əməliyyatlarında və son olaraq Qarabağda istifadə olunduqdan sonra geniş maraq oyatdı. Hətta deyə bilərəm ki, "Bayraktar TB2" üçün tələbləri zamanla qarşılamaqda çətinlik çəkirik. "Baykar" beləliklə gəlirlərinin 70 faizdən çoxunu ixracatdan əldə edir. İndiyə qədər imzalanmış 10-dan çox ixrac müqaviləsi var. Digər tərəfdən, "Akıncı" üçün də çalışırıq. İlk çatdırmanı biz etdik, onlara böyük maraq var. Təyyarələrimizi təhvil verəcəyimizi və uyğunlaşdıracağımızı gözlədiyimiz üçün hələ də bu istəklərə cavab verməmişik. Hazırda "Bayraktar TB2"ni alan hər yerdən, ixracat müqaviləsi imzaladığımız bütün ölkələrdən maraq olduğunu görürük. Həmçinin "Bayraktar TB3" və pilotsuz döyüş təyyarəsi layihəmizi sürətlə inkişaf etdirməyə davam edirik".

Oxumağa davam et
Reklam
Reklam

Gündəm