Region

Putin və Ərdoğan bu məsələni müzakirə edəcək – Peskov

15 Sentyabr 2022 13:00

Rusiya Prezidenti Vladimir Putin və onun türkiyəli həmkarı Rəcəb Tayyib Ərdoğan qarşıdakı görüşdə taxıl sazişinin icrasını müzakirə edəcək və onun effektivliyini qiymətləndirəcəklər.

Publika.az xəbər verir ki, bu barədə Rusiya Prezidentinin mətbuat katibi Dmitri Peskov bildirib.

Prezidentlərin danışıqları Şanxay Əməkdaşlıq Təşkilatının (ŞƏT) Səmərqənddə keçiriləcək sammiti çərçivəsində baş tutacaq.

ŞƏT-in sammiti sentyabrın 15-16-da keçiriləcək. Cənab Ərdoğanla danışıqlardan əlavə Vladimir Putinin Azərbaycan, Türkmənistan, Qırğızıstan, İran, Çin liderləri, həmçinin Hindistan və Pakistan baş nazirləri ilə görüşü nəzərdə tutulub. Rusiya Federasiyası Prezidentinin beynəlxalq məsələlər üzrə köməkçisi Yuri Uşakov daha əvvəl bildirmişdi ki, sammit iştirakçıları təhlükəsizlik məsələlərini müzakirə etməyi planlaşdırırlar.

Səxavət