Region
SEPAH-dan iğtişaşlarla bağlı XƏBƏRDARLIQ: "Qaçılmaz olaraq..."
"İran xalqı düşmən qüvvələrin ölkənin sabitliyini və təhlükəsizliyini pozmaq üçün növbəti sui-qəsd həyata keçirməsinə icazə verməyəcək".
Publika.az xəbər verir ki, bu barədə İslam İnqilabı Keşikçiləri Korpusunun (SEPAH) cümə axşamı günü verdiyi açıqlamada deyilir.
“Bizim düşmənlərimiz öz məqsədlərinə çatmaq üçün bütün imkanlardan istifadə edirlər və son küçə iğtişaşlarını qızışdırmaq üçün növbəti ümidsiz cəhddir və bu, qaçılmaz olaraq iflasa uğrayacaq”, - bəyanatda deyilir.
İnqilab Keşikçiləri Korpusunun komandanlığı iranlıları ayıq-sayıq olmağa çağırıb və məhkəmə orqanlarını cəmiyyət üçün təhlükə yaradanları ifşa etməyə çağırıb. Sənədə əsasən, sui-qəsdçilər və onların arxasında duranlar dayanıqlığına və strateji nailiyyətlərinə görə İran xalqından qisas almağa çalışırlar.
Xatırladaq ki, beş gündür ki, İranın paytaxtı və digər şəhərlərində iğtişaşlar davam edir.
Asayiş keşikçiləri ilə toqquşmalarda 17 nəfər ölüb, onlarla insan yaralanıb, yüzlərlə insan saxlanılıb.
Şiraz və Məşhəddə polis zabitlərinə hücumlar baş verib, bir polis zabiti və “Bəsic” könüllü milislərinin iki üzvü öldürülüb. Bu etirazlar şənbə günü Məhsə Əmini adlı 22 yaşlı qızın dəfnindən sonra başlayıb. Səlahiyyətlilərin məlumatına görə, sentyabrın 16-da qız hicab geyinmə qaydalarını pozduğuna görə əxlaq polisi tərəfindən nəzarətə götürülüb. O, sorğu-sual zamanı infarkt keçirərək dünyasını dəyişib. Lakin sosial şəbəkələrdə yayılan xəbərlərdə Məhsənin polis əməkdaşları tərəfindən döyüldüyü iddia edilib.
İran prezidenti İbrahim Rəisi bazar günü qızın ailəsi ilə telefonla danışıb.
Hüseyn İbadlı
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia