Berdiməhəmmədovdan Xəzərlə bağlı MÜHÜM TƏKLİF
Bizi izləyin

Region

Berdiməhəmmədovdan Xəzərlə bağlı MÜHÜM TƏKLİF

“Xəzər dənizinin liman infrastrukturundan MDB-nin maraqlarına uyğun istifadə perspektivlərinə baxmağı təklif edirəm”.

Publika.az TASS-a istinadən xəbər verir ki, bunu Türkmənistan Prezidenti Sərdar Berdiməhəmmədov MDB Dövlət Başçıları Şurasının Astanada keçirilən iclasında çıxışında deyib.

Berdiməhəmmədov qeyd edib ki, Türkmənistan Xəzər regionunda əməkdaşlıq üçün böyük imkanlar görür.

Onun sözlərinə görə, orada MDB məkanında çoxluq təşkil edən okeanlara birbaşa çıxışı olmayan ölkələrin iştirakı ilə müasir kombinə edilmiş logistika sistemləri formalaşdırıla bilər.

Türkmənistan Prezidenti Xəzər dənizinin liman infrastrukturundan, o cümlədən Türkmənbaşı Beynəlxalq Dəniz Limanının obyektlərindən, habelə Türkmənistanın artan ticarət imkanlarından MDB-nin maraqları naminə istifadə perspektivlərinə baxmağı təklif edib.

Onun sözlərinə görə, Xəzər istiqaməti MDB-nin uzunmüddətli planlarında öz layiqli yerini tutmalı və prioritet iqtisadi tərəfdaşlıq zonası kimi qəbul edilməlidir.

Murad

Oxumağa davam et
Reklam
Reklam

Gündəm