Region

Ərdoğan: “Türkiyə ilk pilotsuz qırıcının istehsalına başlayır”

27 Noyabr 2022 02:42

Türkiyə Prezidenti Rəcəb Tayyib Ərdoğan Konyada yerləşən Səlcuqlu Konqres Mərkəzində Türkiyənin Ədalət və İnkişaf Partiyasının Məşvərət Şurasının genişləndirilmiş iclasında çıxış edib.

Publika.az xəbər verir ki, R.T.Ərdoğan çıxışında bəyan edib ki, ölkəsi ilk pilotsuz qırıcı - “Bayraktar Kızılelmanın” istehsalına başlamaq niyyətindədir.

“Şükürlər olsun ki, sənayemiz, texnologiyamız və müdafiə sahəsində atdığımız addımlarla inamla irəliləyirik. Daxili müdafiə sənayemizin istehsalı 20 faizdən 80 faizə qədər yüksəlib. 2023-cü ildə Türkiyənin ilk pilotsuz qırıcısı olacaq “Bayraktar Kızılelmanın” istehsalına başlamaq niyyətindəyik”, - deyə Türkiyə lideri vurğulayıb.