Ermənistanda rekord qeydə alındı: O qədər turist gəlib ki...

2026-cı ilin yanvar ayı Ermənistan tarixində turist axını baxımından ən yaxşı ay olub.

Publika.az xəbər verir ki, bu barədə iqtisadiyyat naziri Gevorq Papoyan Milli Məclisin Maliyyə, Kredit və Büdcə Məsələləri Daimi Komitəsinin fövqəladə iclasında bildirib.

Onun məlumatlarına görə, bu ilin yanvar ayında Ermənistana ötən ilin yanvar ayı ilə müqayisədə 39% daha çox turist səfər edib.

Papoyan Rusiyadan gələn turistlərin sayında mütənasib artımın 40-41% arasında olduğunu və digər ölkələrlə də oxşar tendensiyaların müşahidə olunduğunu qeyd edib. Nazir 2025-ci ilin yeddi ayının son dərəcə aktiv olduğunu bildirib.

O, bu yeddi ayı turist axını baxımından rekord səviyyəli aylar kimi təsvir edib.

“Bu o deməkdir ki, uzun və ortamüddətli səylərimiz - aktiv marketinq kampaniyaları və yeni istiqamətlər, məsələn, Yaxın Şərqdən olan işlər nəticə verir. Məsələn, Yaxın Şərqdən turist axını artıb, çünki biz bu ölkələrin vətəndaşları üçün viza siyasətini sadələşdirdik və onların Ermənistana vizasız səyahət etməsinə imkan yaratdıq”, - nazir bildirib.

Tural