KİV: Ərdoğan onu özünə varis kimi hazırlayır - Foto

Türkiyə Prezidenti Rəcəb Tayyib Ərdoğan oğlunu öz xələfi kimi hazırlayır.

Publika.az xəbər verir ki, bu barədə "Bloomberg" məlumat yayıb.

Bildirilib ki, 44 yaşlı Bilal Ərdoğan tədricən nəzərəçarpan fiqura çevrilir: o, atasını xarici səfərlərdə müşayiət edir, məmurların seçilməsində iştirak edir və Türkiyənin hakim Ədalət və İnkişaf Partiyası (AKP) daxilində sadiq tərəfdarlar şəbəkəsi formalaşdırır. Bilalın özü birbaşa siyasi ambisiyalarının olduğunu inkar etsə də, ekspertlər qeyd edirlər ki, o, qeyri-rəsmi liderlik təlimi keçir və gələcəkdə partiya rəhbəri və vitse-prezident postlarını tuta bilər.

Yanvarın ortalarında Britaniyanın "The Economist" jurnalı yazmışdı ki, Ərdoğanın xələfi oğlu Bilal, kürəkəni Səlcuq Bayraktar, Türkiyə xarici işlər naziri Hakan Fidan və ya respublikanın keçmiş daxili işlər naziri Süleyman Soylu ola bilər. Nəşrin sorğu-sual etdiyi ekspertlər Türkiyə liderinin xələfi olmaq şansının ən çox Hakan Fidanda olduğunu qeyd ediblər. Onların sözlərinə görə, Türkiyə XİN rəhbəri nazirlikdəki fəaliyyətindən əvvəl 10 ildən artıq respublikanın kəşfiyyat xidmətinə rəhbərlik edib. Eyni zamanda, ekspertlər 44 yaşlı Bilalın şansının ən az olduğunu əlavə ediblər.

Hüseyn İbadlı