İranın dağılmasının qarşısını heç nə ala bilməyəcək - Tofiq Zülfüqarov

İran elitasındakı bir qrup faktiki olaraq hakimiyyəti qəsb edərək, region ölkələrini müharibəyə cəlb etmək məqsədinə çatmağa çox yaxınlaşıb.

Publika.az xəbər verir ki, bunu Azərbaycanın keçmiş xarici işlər naziri Tofiq Zülfüqarov bildirib.

O hesab edir ki, düşmənlərin sayının və müharibənin əhatə dairəsinin kritik şəkildə genişləndirilməsi İranın iqtisadi və mülki infrastrukturunu məhv edəcək, ölkənin dağılmasına səbəb olacaq:

"Bunu öz ölkəsinin elan edilmiş maraqlarına xəyanətdən başqa bir şey kimi izah etmək mümkünsüz görünür... “Müştərilərlə” çox sıx və operativ koordinasiya o deməkdir ki, ölkə daxilində bu kursa qarşı çıxanların hədəf seçilməsi davam edəcək".

O əlavə edib ki, Körfəz ərəb dövlətlərini hərbi əməliyyata cəlb etmək taktikası artıq həyata keçməyə çox yaxındır: "Bu, baş verərsə, Səudiyyə Ərəbistanı və Qətərin Pakistan və Türkiyə kimi müttəfiqləri də aktiv hərbi əməliyyatlarda iştirak etmək məcburiyyətində qalacaqlar. İran üçün bu ssenari nə qədər məntiqsiz olsa da, daxili “köstəbəkləri” artıq dayandırmaq mümkün deyil..."

Valeh