Uraloğlu Türkiyə gəmisinə hücumun təfərrüatlarını açıqladı: PUA ilə yox...

ALTURA tankerinə Qara dənizdə çox güman ki, dron deyil, pilotsuz qayıq hücum edib.

Publika.az xəbər verir ki, bunu Türkiyənin nəqliyyat və infrastruktur naziri Əbdülqadir Uraloğlu bildirib.

Daha əvvəl Türkiyə mediası Qara dənizdə Türkiyə sahillərində naməlum PUA-ların ALTURA tankerinə hücum etdiyini, gəminin zədələndiyini və heyət üzvlərinin kömək istədiyini bildirmişdi.

"Xeyr, biz drondan danışmırıq. Çox güman ki, zərbə pilotsuz qayıq tərəfindən həyata keçirilib və gəmini sıradan çıxarmaq üçün qəsdən mühərrik otağını hədəf alıb. Mütəxəssislər əslində nə baş verdiyini müəyyən edəcəklər; hər halda, xarici zərbədən sonra partlayış qeydə alınıb. Ekipajda heç bir sağlamlıq problemi yoxdur; hamısı türkdür. Hadisə yerinə mütəxəssislər göndərmişik", - nazir 24 TV-yə bildirib.

Nazir gəminin xarici şirkətə məxsus, lakin Türkiyə şirkəti tərəfindən idarə olunduğunu aydınlaşdırıb. Lakin Türkiyə hakimiyyəti hələlik tankerin hansı şirkətə məxsus olduğunu müəyyən etməyib.

Nazir gəminin körpüsünə və mühərrik otağına ziyan dəydiyini təsdiqləyib.

Tural